شيخ، محمد رضا: شيخ محمد رضا، اصل ٺٽي جو رهاڪو هو. پوءِ بکر ويو، جتي دارالعلوم ۾ عربي ۽ فارسي پڙهي عالمگير اول (1068هه/1652ع کان 1118هه/1706ع) ۽ محمد شاهه (1131هه/ 1719ع کان 1161هه/1748ع) جي ڏينهن ۾ بکر جي سرڪاري عهدن تي فائز رهيو ۽ فوجداري عهدي تي پهتو. علامه مير عبدالجليل بلگراميءَ سان دوستي هئس، نواب اعظم خان حاڪم ٺٽي جڏهن شاهه عنايت الله صوفي جهوڪ واري سان جنگ ڪئي ته شيخ محمد رضا نواب جي طرف هو. شيخ محمد رضا جا ٻه فرزند بکر ۾ رهندا هئا.
شيخ محمد رضا 1143هه/ 1730ع ۾ وفات ڪئي.